Omamanyana bahlangana lobuhlungu ngenxa yokutshiya imendo eyenza bacine behlala behlukumezekile emendweni. Omama bayahlukumezeka emendweni, aphile nzima indoda imhlukumeza ingasamenzi muntu athi lanxa sesithi ngcono ayekele abuyele ngakibo kufike lakho kube nzima. U Mavis Ndlovu ohlala e Tsholotsho uthi watshiya umendo ngenxa yokuhlukunyezwa yindoda kodwa akuzange kube lomehluko ngoba langakibo babemhlukumeza.
Uthi etshiya umendo wayeselabantwana laba bantwana babethethiswa njalo ngomalume babo bebizwa ngawo wonke amabizo. Babizwa ngeliza lizelwe, amagola, kuthi laye u Mavis uthi wayebizwa ngomabuya ekwendeni. Ukusuka emendweni uyabe uzama ukuthi uphume ebunzimeni ungahlaleli udubo lomendo kodwa uswele ukwesekwa yimuli yangini okwenza kube nzima ukuthi pho uyaphephelaphi.
Ngenxa yokungabi khona kwama project lemisebenzi kubanzima ukuziphilisa kwabomamanyana acine umuntu abantwana bakhe sebephila ngokugugiselwa impahla laye lowo mama aphile ngokuhamba egudula imizi ukuze alale edlile labantwana.
Omamanmyana bacela njalo badinga ukwesekwa ukuze bakwazi ukuziphilisa lapho sebetshiya imendo ngoba bacina bebekezelela ukuhlukunyezwa emendweni ngenxa yokuswela imali yokuziphilisa.