Mina ngiyintombazana eleminyaka engu (18) ngihlala e Bhangamankuni ngaphansi kwenduna uMathuphula ku ward 6 e Tsholotsho. Isibhedlela sisebenzisa i Siphepha Hospital le Police Camp itholakala ko Siphepha, okungaba ngamakhilomitha alitshumi lasitshiyangalombili.
Njengamantombazana amancane silohlupho lokuhlukumezeka nxa sesiqedile isikolo. Siyaswela okokwenza njengoba imisebenzi kayitholakali, sibesesithola amajaha angangathi sibe sesithandana labo. Uhlupho olukhona lapho uyabe engela mali. Abanye bethu bacina sebethole ijaha elinye futhi eceleni nxa sebebathathu phakathi kwabo, sokufika esigabeni sokuthi sithole uhlupho olunjengomkhuhlane ngoba abafana abanengi kabavumi ukuya emacansini bezivikele. Khonapho yikho esithola khona umkhuhlane. Abavumi ukusebenzisa ijazi lomkhwenyana okucina kufaka impilo zethu engozini.
Suqala ingxabano ngoba abafana kabafuni ukuyahlolwa igazi. Nxa ungathi siyehlola uvele alwe athi suthe ulegcikwane lengculaza (HIV) kumbe igcikwane lengulamakhwa. Nxa intombazana isithe yaya esibhedlela yahlolwa igazi yatholakala ilawo umkhuhlane ibisithola amaphilisi inathe, lapho sokuqala uhlupho olukhulu. Amajaha akhe onke ayabe engasamfuni. Udubo soluqalile enkazaneni sehlukumezeka senatha amaphilisi, ontanga bakhe sebemhleka khonapho secina senatha okubulalayo kumbe azibulale.
Isifiso sami ngesokuthi thina amantombazana kumele sifundiswe ukuthi umuntu kumele aziphathe kuhle, abe lejaha elilodwa. Lokuthi sikwazi ukumela amalungelo ethu. Nxa umfana eyala ukuyahlolwa umkhuhlane, hlukana laye ngoba uyabe uzifaka engozini yokuthola imikhuhlane engapheliyo.